ਅਥ ਬਾਵਨ ਅਵਤਾਰ ਬਰਨੰ ॥

अथ बावन अवतार बरनं ॥

ath baavan avataar barana(n) ||

ਸ੍ਰੀ ਭਗਉਤੀ ਜੀ ਸਹਾਇ ॥

स्री भगउती जी सहाइ ॥

sree bhagautee jee sahai ||

ਭੁਜੰਗ ਪ੍ਰਯਾਤ ਛੰਦ ॥

भुजंग प्रयात छंद ॥

bhuja(n)g prayaat chha(n)dh ||

ਭਏ ਦਿਵਸ ਕੇਤੈ ਨਰਸਿੰਘਾਵਤਾਰੰ ॥

भए दिवस केतै नरसिंघावतारं ॥

bhe dhivas ketai narasi(n)ghaavataara(n) ||

ਪੁਨਰ ਭੂਮਿ ਮੋ ਪਾਪਾ ਬਾਢ੍ਯੋ ਅਪਾਰੰ ॥

पुनर भूमि मो पापा बाढ्यो अपारं ॥

punar bhoom mo paapaa baaddayo apaara(n) ||

ਕਰੇ ਲਾਗ ਜਗੰ ਪੁਨਰ ਦੈਤ ਦਾਨੰ ॥

करे लाग जगं पुनर दैत दानं ॥

kare laag jaga(n) punar dhait dhaana(n) ||

ਬਲਿ ਰਾਜ ਕੀ ਦੇਹਿ ਬਢਿਯੋ ਗੁਮਾਨੰ ॥੧॥

बलि राज की देहि बढियो गुमानं ॥१॥

bal raaj kee dheh baddiyo gumaana(n) ||1||

ਨ ਪਾਵੈ ਬਲੰ ਦੇਵਤਾ ਜਗ ਬਾਸੰ ॥

न पावै बलं देवता जग बासं ॥

n paavai bala(n) dhevataa jag baasa(n) ||

ਭਈ ਇੰਦ੍ਰ ਕੀ ਰਾਜਧਾਨੀ ਬਿਨਾਸੰ ॥

भई इंद्र की राजधानी बिनासं ॥

bhiee i(n)dhr kee raajadhaanee binaasa(n) ||

ਕਰੀ ਜੋਗ ਅਰਾਧਨਾ ਸਰਬ ਦੇਵੰ ॥

करी जोग अराधना सरब देवं ॥

karee jog araadhanaa sarab dheva(n) ||

ਪ੍ਰਸੰਨੰ ਭਏ ਕਾਲ ਪੁਰਖੰ ਅਭੇਵੰ ॥੨॥

प्रसंनं भए काल पुरखं अभेवं ॥२॥

prasa(n)na(n) bhe kaal purakha(n) abheva(n) ||2||

ਦੀਯੋ ਆਇਸੰ ਕਾਲਪੁਰਖੰ ਅਪਾਰੰ ॥

दीयो आइसं कालपुरखं अपारं ॥

dheeyo aaisa(n) kaalapurakha(n) apaara(n) ||

ਧਰੋ ਬਾਵਨਾ ਬਿਸਨੁ ਅਸਟਮ ਵਤਾਰੰ ॥

धरो बावना बिसनु असटम वतारं ॥

dharo baavanaa bisan asaTam vataara(n) ||

ਲਈ ਬਿਸਨੁ ਆਗਿਆ ਚਲਿਯੋ ਧਾਇ ਐਸੇ ॥

लई बिसनु आगिआ चलियो धाइ ऐसे ॥

liee bisan aagiaa chaliyo dhai aaise ||

ਲਹਿਯੋ ਦਾਰਦੀ ਭੂਪ ਭੰਡਾਰ ਜੈਸੇ ॥੩॥

लहियो दारदी भूप भंडार जैसे ॥३॥

lahiyo dhaaradhee bhoop bha(n)ddaar jaise ||3||

ਨਰਾਜ ਛੰਦ ॥

नराज छंद ॥

naraaj chha(n)dh ||

ਸਰੂਪ ਛੋਟ ਧਾਰਿ ਕੈ ॥

सरूप छोट धारि कै ॥

saroop chhoT dhaar kai ||

ਚਲਿਯੋ ਤਹਾ ਬਿਚਾਰਿ ਕੈ ॥

चलियो तहा बिचारि कै ॥

chaliyo tahaa bichaar kai ||

ਸਭਾ ਨਰੇਸ ਜਾਨ੍ਯੋ ॥

सभा नरेस जान्यो ॥

sabhaa nares jaanayo ||

ਤਹੀ ਸੁ ਪਾਵ ਠਾਨ੍ਰਯੋ ॥੪॥

तही सु पाव ठान्रयो ॥४॥

tahee su paav Thaanrayo ||4||

ਸੁ ਬੇਦ ਚਾਰ ਉਚਾਰ ਕੈ ॥

सु बेद चार उचार कै ॥

s bedh chaar uchaar kai ||

ਸੁਣ੍ਯੋ ਨ੍ਰਿਪੰ ਸੁਧਾਰ ਕੈ ॥

सुण्यो नृपं सुधार कै ॥

sunayo nirapa(n) sudhaar kai ||

ਬੁਲਾਇ ਬਿਪੁ ਕੋ ਲਯੋ ॥

बुलाइ बिपु को लयो ॥

bulai bip ko layo ||

ਮਲਯਾਗਰ ਮੂੜਕਾ ਦਯੋ ॥੫॥

मलयागर मूड़का दयो ॥५॥

malayaagar mooRakaa dhayo ||5||

ਪਦਾਰਘ ਦੀਪ ਦਾਨ ਦੈ ॥

पदारघ दीप दान दै ॥

padhaaragh dheep dhaan dhai ||

ਪ੍ਰਦਛਨਾ ਅਨੇਕ ਕੈ ॥

प्रदछना अनेक कै ॥

pradhachhanaa anek kai ||

ਕਰੋਰਿ ਦਛਨਾ ਦਈ ॥

करोरि दछना दई ॥

karor dhachhanaa dhiee ||

ਨ ਹਾਥਿ ਬਿਪ ਨੈ ਲਈ ॥੬॥

न हाथि बिप नै लई ॥६॥

n haath bip nai liee ||6||

ਕਹਿਯੋ ਨ ਮੋਰ ਕਾਜ ਹੈ ॥

कहियो न मोर काज है ॥

kahiyo na mor kaaj hai ||

ਮਿਥ੍ਯਾ ਇਹ ਤੋਰ ਸਾਜ ਹੈ ॥

मिथ्या इह तोर साज है ॥

mithayaa ieh tor saaj hai ||

ਅਢਾਇ ਪਾਵ ਭੂਮਿ ਦੈ ॥

अढाइ पाव भूमि दै ॥

addai paav bhoom dhai ||

ਬਸੇਖ ਪੂਰ ਕੀਰਤਿ ਲੈ ॥੭॥

बसेख पूर कीरति लै ॥७॥

basekh poor keerat lai ||7||

ਚੌਪਈ ॥

चौपई ॥

chauapiee ||

ਜਬ ਦਿਜ ਐਸ ਬਖਾਨੀ ਬਾਨੀ ॥

जब दिज ऐस बखानी बानी ॥

jab dhij aais bakhaanee baanee ||

ਭੂਪਤਿ ਸਹਤ ਨ ਜਾਨ੍ਯੋ ਰਾਨੀ ॥

भूपति सहत न जान्यो रानी ॥

bhoopat sahat na jaanayo raanee ||

ਪੈਰ ਅਢਾਇ ਭੂੰਮਿ ਦੇ ਕਹੀ ॥

पैर अढाइ भूँमि दे कही ॥

pair addai bhoo(n)m dhe kahee ||

ਦ੍ਰਿੜ ਕਰਿ ਬਾਤ ਦਿਜੋਤਮ ਗਹੀ ॥੮॥

दृड़ करि बात दिजोतम गही ॥८॥

dhiraR kar baat dhijotam gahee ||8||

ਦਿਜਬਰ ਸੁਕ੍ਰ ਹੁਤੋ ਨ੍ਰਿਪ ਤੀਰਾ ॥

दिजबर सुक्र हुतो नृप तीरा ॥

dhijabar sukr huto nirap teeraa ||

ਜਾਨ ਗਯੋ ਸਭ ਭੇਦੁ ਵਜੀਰਾ ॥

जान गयो सभ भेदु वजीरा ॥

jaan gayo sabh bhedh vajeeraa ||

ਜਿਯੋ ਜਿਯੋ ਦੇਨ ਪ੍ਰਿਥਵੀ ਨ੍ਰਿਪ ਕਹੈ ॥

जियो जियो देन पृथवी नृप कहै ॥

jiyo jiyo dhen pirathavee nirap kahai ||

ਤਿਮੁ ਤਿਮੁ ਨਾਹਿ ਪੁਰੋਹਿਤ ਗਹੈ ॥੯॥

तिमु तिमु नाहि पुरोहित गहै ॥९॥

tim tim naeh purohit gahai ||9||

ਜਬ ਨ੍ਰਿਪ ਦੇਨ ਧਰਾ ਮਨੁ ਕੀਨਾ ॥

जब नृप देन धरा मनु कीना ॥

jab nirap dhen dharaa man keenaa ||

ਤਬ ਹੀ ਉਤਰ ਸੁਕ੍ਰ ਇਮ ਦੀਨਾ ॥

तब ही उतर सुक्र इम दीना ॥

tab hee utar sukr im dheenaa ||

ਲਘੁ ਦਿਜ ਯਾਹਿ ਨ ਭੂਪ ਪਛਾਨੋ ॥

लघु दिज याहि न भूप पछानो ॥

lagh dhij yaeh na bhoop pachhaano ||

ਬਿਸਨੁ ਅਵਤਾਰ ਇਸੀ ਕਰਿ ਮਾਨੋ ॥੧੦॥

बिसनु अवतार इसी करि मानो ॥१०॥

bisan avataar isee kar maano ||10||

ਸੁਨਤ ਬਚਨ ਦਾਨਵ ਸਭ ਹਸੇ ॥

सुनत बचन दानव सभ हसे ॥

sunat bachan dhaanav sabh hase ||

ਉਚਰਤ ਸੁਕ੍ਰ ਕਹਾ ਘਰਿ ਬਸੇ ॥

उचरत सुक्र कहा घरि बसे ॥

aucharat sukr kahaa ghar base ||

ਸਸਿਕ ਸਮਾਨ ਨ ਦਿਜ ਮਹਿ ਮਾਸਾ ॥

ससिक समान न दिज महि मासा ॥

sasik samaan na dhij meh maasaa ||

ਕਸ ਕਰਹੈ ਇਹ ਜਗ ਬਿਨਾਸਾ ॥੧੧॥

कस करहै इह जग बिनासा ॥११॥

kas karahai ieh jag binaasaa ||11||

ਦੋਹਰਾ ॥

दोहरा ॥

dhoharaa ||

ਸੁਕ੍ਰੋਬਾਚ ॥

सुक्रोबाच ॥

sukrobaach ||

ਜਿਮ ਚਿਨਗਾਰੀ ਅਗਨਿ ਕੀ ਗਿਰਤ ਸਘਨ ਬਨ ਮਾਹਿ ॥

जिम चिनगारी अगनि की गिरत सघन बन माहि ॥

jim chinagaaree agan kee girat saghan ban maeh ||

ਅਧਿਕ ਤਨਿਕ ਤੇ ਹੋਤ ਹੈ ਤਿਮ ਦਿਜਬਰ ਨਰ ਨਾਹਿ ॥੧੨॥

अधिक तनिक ते होत है तिम दिजबर नर नाहि ॥१२॥

adhik tanik te hot hai tim dhijabar nar naeh ||12||

ਚੌਪਈ ॥

चौपई ॥

chauapiee ||

ਹਸਿ ਭੂਪਤਿ ਇਹ ਬਾਤ ਬਖਾਨੀ ॥

हसि भूपति इह बात बखानी ॥

has bhoopat ieh baat bakhaanee ||

ਸੁਨਹੋ ਸੁਕ੍ਰ ਤੁਮ ਬਾਤ ਨ ਜਾਨੀ ॥

सुनहो सुक्र तुम बात न जानी ॥

sunaho sukr tum baat na jaanee ||

ਫੁਨਿ ਇਹ ਸਮੋ ਸਭੋ ਛਲ ਜੈ ਹੈ ॥

फुनि इह समो सभो छल जै है ॥

fun ieh samo sabho chhal jai hai ||

ਹਰਿ ਸੋ ਫੇਰਿ ਨ ਭਿਛਕ ਐ ਹੈ ॥੧੩॥

हरि सो फेरि न भिछक ऐ है ॥१३॥

har so fer na bhichhak aai hai ||13||

ਮਨ ਮਹਿ ਬਾਤ ਇਹੈ ਠਹਰਾਈ ॥

मन महि बात इहै ठहराई ॥

man meh baat ihai Thaharaiee ||

ਮਨ ਮੋ ਧਰੀ ਨ ਕਿਸੂ ਬਤਾਈ ॥

मन मो धरी न किसू बताई ॥

man mo dharee na kisoo bataiee ||

ਭ੍ਰਿਤ ਤੇ ਮਾਗ ਕਮੰਡਲ ਏਸਾ ॥

भृत ते माग कमंडल एसा ॥

bhirat te maag kama(n)ddal esaa ||

ਲਗ੍ਯੋ ਦਾਨ ਤਿਹ ਦੇਨ ਨਰੇਸਾ ॥੧੪॥

लग्यो दान तिह देन नरेसा ॥१४॥

lagayo dhaan teh dhen naresaa ||14||

ਸੁਕ੍ਰ ਬਾਤ ਮਨ ਮੋ ਪਹਿਚਾਨੀ ॥

सुक्र बात मन मो पहिचानी ॥

sukr baat man mo pahichaanee ||

ਭੇਦ ਨ ਲਹਤ ਭੂਪ ਅਗਿਆਨੀ ॥

भेद न लहत भूप अगिआनी ॥

bhedh na lahat bhoop agiaanee ||

ਧਾਰਿ ਮਕਰਿ ਕੇ ਜਾਰ ਸਰੂਪਾ ॥

धारि मकरि के जार सरूपा ॥

dhaar makar ke jaar saroopaa ||

ਪੈਠਿਯੋ ਮਧ ਕਮੰਡਲ ਭੂਪਾ ॥੧੫॥

पैठियो मध कमंडल भूपा ॥१५॥

paiThiyo madh kama(n)ddal bhoopaa ||15||

ਨ੍ਰਿਪ ਬਰ ਪਾਨਿ ਸੁਰਾਹੀ ਲਈ ॥

नृप बर पानि सुराही लई ॥

nirap bar paan suraahee liee ||

ਦਾਨ ਸਮੈ ਦਿਜਬਰ ਕੀ ਭਈ ॥

दान समै दिजबर की भई ॥

dhaan samai dhijabar kee bhiee ||

ਦਾਨ ਹੇਤ ਜਬ ਹਾਥ ਚਲਾਯੋ ॥

दान हेत जब हाथ चलायो ॥

dhaan het jab haath chalaayo ||

ਨਿਕਸ ਨੀਰ ਕਰਿ ਤਾਹਿ ਨ ਆਯੋ ॥੧੬॥

निकस नीर करि ताहि न आयो ॥१६॥

nikas neer kar taeh na aayo ||16||

ਤੋਮਰ ਛੰਦ ॥

तोमर छंद ॥

tomar chha(n)dh ||

ਚਮਕ੍ਯੋ ਤਬੈ ਦਿਜਰਾਜ ॥

चमक्यो तबै दिजराज ॥

chamakayo tabai dhijaraaj ||

ਕਰੀਐ ਨ੍ਰਿਪੇਸੁ ਇਲਾਜ ॥

करीऐ नृपेसु इलाज ॥

kareeaai nirapes ilaaj ||

ਤਿਨਕਾ ਮਿਲੈ ਇਹ ਬੀਚਿ ॥

तिनका मिलै इह बीचि ॥

tinakaa milai ieh beech ||

ਇਕ ਚਛ ਹੁਐ ਹੈ ਨੀਚ ॥੧੭॥

इक चछ हुऐ है नीच ॥१७॥

eik chachh huaai hai neech ||17||

ਤਿਨੁਕਾ ਨ੍ਰਿਪਤ ਕਰਿ ਲੀਨ ॥

तिनुका नृपत करि लीन ॥

tinukaa nirapat kar leen ||

ਭੀਤਰ ਕਮੰਡਲ ਦੀਨ ॥

भीतर कमंडल दीन ॥

bheetar kama(n)ddal dheen ||

ਸੁਕ੍ਰ ਆਖਿ ਲਗੀਆ ਜਾਇ ॥

सुक्र आखि लगीआ जाइ ॥

sukr aakh lageeaa jai ||

ਇਕ ਚਛ ਭਯੋ ਦਿਜ ਰਾਇ ॥੧੮॥

इक चछ भयो दिज राइ ॥१८॥

eik chachh bhayo dhij rai ||18||

ਨੇਤ੍ਰ ਤੇ ਜੁ ਗਿਰਿਯੋ ਨੀਰ ॥

नेत्र ते जु गिरियो नीर ॥

netr te ju giriyo neer ||

ਸੋਈ ਲੀਯੋ ਕਰਿ ਦਿਜ ਬੀਰ ॥

सोई लीयो करि दिज बीर ॥

soiee leeyo kar dhij beer ||

ਕਰਿ ਨੀਰ ਚੁਵਨ ਨ ਦੀਨ ॥

करि नीर चुवन न दीन ॥

kar neer chuvan na dheen ||

ਇਮ ਸੁਆਮਿ ਕਾਰਜ ਕੀਨ ॥੧੯॥

इम सुआमि कारज कीन ॥१९॥

eim suaam kaaraj keen ||19||

ਚੌਪਈ ॥

चौपई ॥

chauapiee ||

ਚਛ ਨੀਰ ਕਰ ਭੀਤਰ ਪਰਾ ॥

चछ नीर कर भीतर परा ॥

chachh neer kar bheetar paraa ||

ਵਹੈ ਸੰਕਲਪ ਦਿਜਹ ਕਰਿ ਧਰਾ ॥

वहै संकलप दिजह करि धरा ॥

vahai sa(n)kalap dhijeh kar dharaa ||

ਐਸ ਤਬੈ ਨਿਜ ਦੇਹ ਬਢਾਯੋ ॥

ऐस तबै निज देह बढायो ॥

aais tabai nij dheh baddaayo ||

ਲੋਕ ਛੇਦਿ ਪਰਲੋਕਿ ਸਿਧਾਯੋ ॥੨੦॥

लोक छेदि परलोकि सिधायो ॥२०॥

lok chhedh paralok sidhaayo ||20||

ਨਿਰਖ ਲੋਗ ਅਦਭੁਤ ਬਿਸਮਏ ॥

निरख लोग अदभुत बिसमए ॥

nirakh log adhabhut bisame ||

ਦਾਨਵ ਪੇਖਿ ਮੂਰਛਨ ਭਏ ॥

दानव पेखि मूरछन भए ॥

dhaanav pekh moorachhan bhe ||

ਪਾਵ ਪਤਾਰ ਛੁਯੋ ਸਿਰ ਕਾਸਾ ॥

पाव पतार छुयो सिर कासा ॥

paav pataar chhuyo sir kaasaa ||

ਚਕ੍ਰਿਤ ਭਏ ਲਖਿ ਲੋਕ ਤਮਾਸਾ ॥੨੧॥

चकृत भए लखि लोक तमासा ॥२१॥

chakirat bhe lakh lok tamaasaa ||21||

ਏਕੈ ਪਾਵ ਪਤਾਰਹਿ ਛੂਆ ॥

एकै पाव पतारहि छूआ ॥

ekai paav pataareh chhooaa ||

ਦੂਸਰ ਪਾਵ ਗਗਨ ਲਉ ਹੂਆ ॥

दूसर पाव गगन लउ हूआ ॥

dhoosar paav gagan lau hooaa ||

ਭਿਦਿਯੋ ਅੰਡ ਬ੍ਰਹਮੰਡ ਅਪਾਰਾ ॥

भिदियो अंड ब्रहमंड अपारा ॥

bhidhiyo a(n)dd brahama(n)dd apaaraa ||

ਤਿਹ ਤੇ ਗਿਰੀ ਗੰਗ ਕੀ ਧਾਰਾ ॥੨੨॥

तिह ते गिरी गंग की धारा ॥२२॥

teh te giree ga(n)g kee dhaaraa ||22||

ਇਹ ਬਿਧਿ ਭੂਪ ਅਚੰਭਵ ਲਹਾ ॥

इह बिधि भूप अचंभव लहा ॥

eeh bidh bhoop acha(n)bhav lahaa ||

ਮਨ ਕ੍ਰਮ ਬਚਨ ਚਕ੍ਰਿਤ ਹੁਐ ਰਹਾ ॥

मन क्रम बचन चकृत हुऐ रहा ॥

man kram bachan chakirat huaai rahaa ||

ਸੁ ਕੁਛ ਭਯੋ ਜੋਊ ਸੁਕ੍ਰਿ ਉਚਾਰਾ ॥

सु कुछ भयो जोऊ सुकृ उचारा ॥

s kuchh bhayo jouoo sukr uchaaraa ||

ਸੋਈ ਅਖੀਯਨ ਹਮ ਆਜ ਨਿਹਾਰਾ ॥੨੩॥

सोई अखीयन हम आज निहारा ॥२३॥

soiee akheeyan ham aaj nihaaraa ||23||

ਅਰਧਿ ਦੇਹਿ ਅਪਨੋ ਮਿਨਿ ਦੀਨਾ ॥

अरधि देहि अपनो मिनि दीना ॥

aradh dheh apano min dheenaa ||

ਇਹ ਬਿਧਿ ਕੈ ਭੂਪਤਿ ਜਸੁ ਲੀਨਾ ॥

इह बिधि कै भूपति जसु लीना ॥

eeh bidh kai bhoopat jas leenaa ||

ਜਬ ਲਉ ਗੰਗ ਜਮੁਨ ਕੋ ਨੀਰਾ ॥

जब लउ गंग जमुन को नीरा ॥

jab lau ga(n)g jamun ko neeraa ||

ਤਬ ਲਉ ਚਲੀ ਕਥਾ ਜਗਿ ਧੀਰਾ ॥੨੪॥

तब लउ चली कथा जगि धीरा ॥२४॥

tab lau chalee kathaa jag dheeraa ||24||

ਬਿਸਨ ਪ੍ਰਸੰਨਿ ਪ੍ਰਤਛ ਹੁਐ ਕਹਾ ॥

बिसन प्रसंनि प्रतछ हुऐ कहा ॥

bisan prasa(n)n pratachh huaai kahaa ||

ਚੋਬਦਾਰੁ ਦੁਆਰੇ ਹੁਐ ਰਹਾ ॥

चोबदारु दुआरे हुऐ रहा ॥

chobadhaar dhuaare huaai rahaa ||

ਕਹਿਯੋ ਚਲੇ ਤਬ ਲਗੈ ਕਹਾਨੀ ॥

कहियो चले तब लगै कहानी ॥

kahiyo chale tab lagai kahaanee ||

ਜਬ ਲਗ ਗੰਗ ਜਮੁਨ ਕੋ ਪਾਨੀ ॥੨੫॥

जब लग गंग जमुन को पानी ॥२५॥

jab lag ga(n)g jamun ko paanee ||25||

ਦੋਹਰਾ ॥

दोहरा ॥

dhoharaa ||

ਜਹ ਸਾਧਨ ਸੰਕਟ ਪਰੈ ਤਹ ਤਹ ਭਏ ਸਹਾਇ ॥

जह साधन संकट परै तह तह भए सहाइ ॥

jeh saadhan sa(n)kaT parai teh teh bhe sahai ||

ਦੁਆਰਪਾਲ ਹੁਐ ਦਰਿ ਬਸੇ ਭਗਤ ਹੇਤ ਹਰਿਰਾਇ ॥੨੬॥

दुआरपाल हुऐ दरि बसे भगत हेत हरिराइ ॥२६॥

dhuaarapaal huaai dhar base bhagat het harirai ||26||

ਚੌਪਈ ॥

चौपई ॥

chauapiee ||

ਅਸਟਮ ਅਵਤਾਰ ਬਿਸਨ ਅਸ ਧਰਾ ॥

असटम अवतार बिसन अस धरा ॥

asaTam avataar bisan as dharaa ||

ਸਾਧਨ ਸਬੈ ਕ੍ਰਿਤਾਰਥ ਕਰਾ ॥

साधन सबै कृतारथ करा ॥

saadhan sabai kirataarath karaa ||

ਅਬ ਨਵਮੋ ਬਰਨੋ ਅਵਤਾਰਾ ॥

अब नवमो बरनो अवतारा ॥

ab navamo barano avataaraa ||

ਸੁਨਹੁ ਸੰਤ ਚਿਤ ਲਾਇ ਸੁ ਧਾਰਾ ॥੨੭॥

सुनहु संत चित लाइ सु धारा ॥२७॥

sunahu sa(n)t chit lai su dhaaraa ||27||

ਇਤਿ ਸ੍ਰੀ ਬਚਿਤ੍ਰ ਨਾਟਕ ਗ੍ਰੰਥੇ ਬਾਵਨ ਅਸਟਮੋ ਅਵਤਾਰ ਬਲਿ ਛਲਨ ਸਮਾਪਤਮ ਸਤੁ ਸੁਭਮ ਸਤੁ ॥੮॥

इति स्री बचित्र नाटक ग्रंथे बावन असटमो अवतार बलि छलन समापतम सतु सुभम सतु ॥८॥

eit sree bachitr naaTak gra(n)the baavan asaTamo avataar bal chhalan samaapatam sat subham sat ||8||