ਚੌਪਈ ॥

चौपई ॥

chauapiee ||

ਜੁੱਧ ਭਯੋ ਇਹ ਭਾਂਤਿ ਅਪਾਰਾ ॥

जुद्ध भयो इह भाँति अपारा ॥

ju'dh bhayo ieh bhaa(n)t apaaraa ||

ਤੁਰਕਨ ਕੋ ਮਾਰਿਓ ਸਿਰਦਾਰਾ ॥

तुरकन को मारिओ सिरदारा ॥

turakan ko maario siradhaaraa ||

ਰਿਸ ਤਨ ਖਾਨ ਦਿਲਾਵਰ ਤਏ ॥

रिस तन खान दिलावर तए ॥

ris tan khaan dhilaavar te ||

ਇਤੈ ਸਊਰ ਪਠਾਵਤ ਭਏ ॥੧॥

इतै सऊर पठावत भए ॥१॥

eitai suoor paThaavat bhe ||1||

ਉਤੈ ਪਠਿਓ ਉਨ ਸਿੰਘ ਜੁਝਾਰਾ ॥

उतै पठिओ उन सिंघ जुझारा ॥

autai paThio un si(n)gh jujhaaraa ||

ਤਿਹ ਭਲਾਨ ਤੇ ਖੇਦ ਨਿਕਾਰਾ ॥

तिह भलान ते खेद निकारा ॥

teh bhalaan te khedh nikaaraa ||

ਇਤਿ ਗਜ ਸਿੰਘ ਪੰਮਾ ਦਲ ਜੋਰਾ ॥

इति गज सिंघ पंमा दल जोरा ॥

eit gaj si(n)gh pa(n)maa dhal joraa ||

ਧਾਇ ਪਰੇ ਤਿਨ ਊਪਰ ਭੋਰਾ ॥੨॥

धाइ परे तिन ऊपर भोरा ॥२॥

dhai pare tin uoopar bhoraa ||2||

ਉਤੈ ਜੁਝਾਰ ਸਿੰਘ ਭਯੋ ਆਡਾ ॥

उतै जुझार सिंघ भयो आडा ॥

autai jujhaar si(n)gh bhayo aaddaa ||

ਜਿਮ ਰਨ ਖੰਭ ਭੂਮਿ ਰਨਿ ਗਾਡਾ ॥

जिम रन खंभ भूमि रनि गाडा ॥

jim ran kha(n)bh bhoom ran gaaddaa ||

ਗਾਡਾ ਚਲੇ ਨ ਹਾਡਾ ਚਲਿ ਹੈ ॥

गाडा चले न हाडा चलि है ॥

gaaddaa chale na haaddaa chal hai ||

ਸਾਮੁਹਿ ਸੇਲ ਸਮਰ ਮੋ ਝਲਿ ਹੈ ॥੩॥

सामुहि सेल समर मो झलि है ॥३॥

saamuh sel samar mo jhal hai ||3||

ਬਾਟ ਚੜ੍ਹੈ ਦਲ ਦੋਊ ਜੁਝਾਰਾ ॥

बाट चड़्है दल दोऊ जुझारा ॥

baaT chaRhai dhal dhouoo jujhaaraa ||

ਉਤੈ ਚੰਦੇਲ ਇਤੈ ਜਸਵਾਰਾ ॥

उतै चंदेल इतै जसवारा ॥

autai cha(n)dhel itai jasavaaraa ||

ਮੰਡਿਓ ਬੀਰ ਖੇਤ ਮੋ ਜੱੁਧਾ ॥

मंडिओ बीर खेत मो जु्ुधा ॥

ma(n)ddio beer khet mo ja'udhaa ||

ਉਪਜਿਉ ਸਮਰਸੂਰ ਮਨ ਕ੍ਰੱੁਧਾ ॥੪॥

उपजिउ समरसूर मन क्रु्ुधा ॥४॥

aupajiau samarasoor man kra'udhaa ||4||

ਕੋਪ ਭਰੇ ਦੋਊ ਦਿਸ ਭਟ ਭਾਰੇ ॥

कोप भरे दोऊ दिस भट भारे ॥

kop bhare dhouoo dhis bhaT bhaare ||

ਇਤੈ ਚੰਦੇਲ ਉਤੈ ਜਸਵਾਰੇ ॥

इतै चंदेल उतै जसवारे ॥

eitai cha(n)dhel utai jasavaare ||

ਢੋਲ ਨਗਾਰੇ ਬਜੇ ਅਪਾਰਾ ॥

ढोल नगारे बजे अपारा ॥

ddol nagaare baje apaaraa ||

ਭੀਮ ਰੂਪ ਭੈਰੋ ਭਭਕਾਰਾ ॥੫॥

भीम रूप भैरो भभकारा ॥५॥

bheem roop bhairo bhabhakaaraa ||5||

ਰਸਾਵਲ ਛੰਦ ॥

रसावल छंद ॥

rasaaval chha(n)dh ||

ਧੁਣੰ ਢੋਲ ਬੱਜੇ ॥

धुणं ढोल बज्जे ॥

dhuna(n) ddol ba'je ||

ਮਹਾਂ ਸੂਰ ਗੱਜੇ ॥

महाँ सूर गज्जे ॥

mahaa(n) soor ga'je ||

ਕਰੇ ਸਸਤ੍ਰ ਘਾਵੰ ॥

करे ससत्र घावं ॥

kare sasatr ghaava(n) ||

ਚੜ੍ਹੇ ਚਿੱਤ ਚਾਵੰ ॥੬॥

चड़्हे चित्त चावं ॥६॥

chaRhe chi't chaava(n) ||6||

ਨ੍ਰਿਭੈ ਬਾਜ ਡਾਰੈ ॥

नृभै बाज डारै ॥

nirabhai baaj ddaarai ||

ਪਰੱਘੈ ਪ੍ਰਹਾਰੈ ॥

परग्घै प्रहारै ॥

para'ghai prahaarai ||

ਕਰੇ ਤੇਗ ਘਾਯੰ ॥

करे तेग घायं ॥

kare teg ghaaya(n) ||

ਚੜ੍ਹੇ ਚਿੱਤ ਚਾਯੰ ॥੭॥

चड़्हे चित्त चायं ॥७॥

chaRhe chi't chaaya(n) ||7||

ਬਕੈ ਮਾਰ ਮਾਰੰ ॥

बकै मार मारं ॥

bakai maar maara(n) ||

ਨ ਸੰਕਾ ਬਿਚਾਰੰ ॥

न संका बिचारं ॥

n sa(n)kaa bichaara(n) ||

ਰੁਲੈ ਤੱਛ ਮੱੁਛੰ ॥

रुलै तच्छ मु्ुछं ॥

rulai ta'chh ma'uchha(n) ||

ਕਰੈ ਸੁਰਗ ਇੱਛੰ ॥੮॥

करै सुरग इच्छं ॥८॥

karai surag i'chha(n) ||8||

ਦੋਹਰਾ ॥

दोहरा ॥

dhoharaa ||

ਨੈਕ ਨ ਰਨ ਤੇ ਮੁਰਿ ਚਲੈਂ ਕਰੈ ਨਿਡਰ ਹ੍ਵੈ ਘਾਇ ॥

नैक न रन ते मुरि चलैं करै निडर ह्वै घाइ ॥

naik na ran te mur chalai(n) karai niddar havai ghai ||

ਗਿਰ ਗਿਰ ਪਰੈ ਪਵੰਗ ਤੇ ਬਰੇਂ ਬਰੰਗਨ ਜਾਇ ॥੯॥

गिर गिर परै पवंग ते बरें बरंगन जाइ ॥९॥

gir gir parai pava(n)g te bare(n) bara(n)gan jai ||9||

ਚੌਪਈ ॥

चौपई ॥

chauapiee ||

ਇਹ ਬਿਧਿ ਹੋਤ ਭਯੋ ਸੰਗ੍ਰਾਮਾ ॥

इह बिधि होत भयो संग्रामा ॥

eeh bidh hot bhayo sa(n)graamaa ||

ਜੂਝੇ ਚੰਦ ਨਰਾਇਨ ਨਾਮਾ ॥

जूझे चंद नराइन नामा ॥

joojhe cha(n)dh narain naamaa ||

ਤਬ ਜੁਝਾਰ ਏਕਲ ਹੀ ਧਯੋ ॥

तब जुझार एकल ही धयो ॥

tab jujhaar ekal hee dhayo ||

ਬੀਰਨ ਘੇਰ ਦਸੋ ਦਿਸ ਲਯੋ ॥੧੦॥

बीरन घेर दसो दिस लयो ॥१०॥

beeran gher dhaso dhis layo ||10||

ਦੋਹਰਾ ॥

दोहरा ॥

dhoharaa ||

ਧਸਿਯੋ ਕਟਕ ਮੈ ਝਟਕ ਦੈ ਕਛੂ ਨ ਸੰਕ ਬਿਚਾਰ ॥

धसियो कटक मै झटक दै कछू न संक बिचार ॥

dhasiyo kaTak mai jhaTak dhai kachhoo na sa(n)k bichaar ||

ਗਾਹਤ ਭਯੋ ਸੁਭਟਨ ਬਡੇ ਬਾਹਤਿ ਭਯੋ ਹਥਿਆਰ ॥੧੧॥

गाहत भयो सुभटन बडे बाहति भयो हथिआर ॥११॥

gaahat bhayo subhaTan badde baahat bhayo hathiaar ||11||

ਚੌਪਈ ॥

चौपई ॥

chauapiee ||

ਇਹ ਬਿਧਿ ਘਣੇ ਘਰਨ ਕੋ ਗਾਰਾ ॥

इह बिधि घणे घरन को गारा ॥

eeh bidh ghane gharan ko gaaraa ||

ਭਾਂਤਿ ਭਾਂਤਿ ਕੇ ਕਰਿ ਹਥੀਯਾਰਾ ॥

भाँति भाँति के करि हथीयारा ॥

bhaa(n)t bhaa(n)t ke kar hatheeyaaraa ||

ਚੁਨਿ ਚੁਨਿ ਬੀਰ ਪਖਰੀਆ ਮਾਰੇ ॥

चुनि चुनि बीर पखरीआ मारे ॥

chun chun beer pakhareeaa maare ||

ਅੰਤਿ ਦੇਵ ਪੁਰ ਆਪ ਪਧਾਰੇ ॥੧੨॥

अंति देव पुर आप पधारे ॥१२॥

a(n)t dhev pur aap padhaare ||12||

ਇਤਿ ਸ੍ਰੀ ਬਚਿਤ੍ਰ ਨਾਟਕ ਗ੍ਰੰਥੇ ਜੁਝਾਰ ਸਿੰਘ ਜੁਧ ਬਰਨਨੰ ਨਾਮ ਦ੍ਵਾਦਸਮੋ ਧਿਆਇ ਸਮਾਪਤ ਮਸਤੁ ਸੁਭ ਮਸਤੁ ॥੧੨॥ਅਫਜੂ॥੪੩੫॥

इति स्री बचित्र नाटक ग्रंथे जुझार सिंघ जुध बरननं नाम द्वादसमो धिआइ समापत मसतु सुभ मसतु ॥१२॥अफजू॥४३५॥

eit sree bachitr naaTak gra(n)the jujhaar si(n)gh judh baranana(n) naam dhavaiaadhasamo dhiaai samaapat masat subh masat ||12||afajoo||435||